المقادير
كوب ونص دقيق جميع الاغراض
نص كوب ماء
معلقتين كبار زبده
معلقتين كبار زيت
معلقه صغيره خميره
معلقه صغيره سكر او عسل ابيض
معلقه صغيره خل
نص معلقه صغيره ملح
ربع معلقه صغيره بيكنج صودا ( بيكربوناتوا )
- في وعاء نضع الدقيق و السكر والبيكنج باودر والملح والخميره ونخلط
- علي النار ندفي الزبده والزيت والماء ونضيفهم علي الدقيق و نضيف الخل ونعجن كويس لمده دقيقتين لحد ما تبقي عجينه طريه وناعمه
- تترك لتخمر لمده ساعه
- بعد ساعه نشغل الفرن علي ١٨٠ °
- نفردها علي ورقه زبده رفيع جددددا علي قد ما تقدروا علشان كل ما بقت ارفع كل ما بتقرمش اكتر
- نرصها في صينيه الخبز ونخرمها بالشوكه في كل العجين علشان نضمن انها تطلع هاشه من غير ما تعلي في الحجم
- لو حابين تدهنوا وشها بالبهارات حسب الرغبه .. بالفرشه هندهن وش المقرمشات بالميه ونرش عليها اللي نحبه زي ملح خشن او سمسم محمص او زعتر ناشف او بصل بودره او ثوم بودره او حبه البركه .. وغيرهم
- تدخل الفرن علي ١٨٠ ° لمده عشر دقايق لربع ساعه حسب الفرن
- تخرج وتوضع في مصفي تساعدها تحافظ علي القرمشه
بالهنا
